मायणी (प्रतिनिधी)-
ग्रामीण भागातील गुणवत्तेचे केंद्र म्हणून ओळखले जाणाऱ्या स्फूर्ती शिक्षण प्रसारक मंडळ मायणी संचलित आनंद इंग्लिश स्कूल मायणी या विद्यालयाने पुन्हा एकदा आपली शैक्षणिक मोहोळ उमटवली आहे नुकत्याच झालेल्या एन एम एम एस परीक्षेत चार विद्यार्थ्यांनी दैदीप्यमान यश संपादित करून शिष्यवृत्ती पटकवले आहे.
या विद्यालयाच्या शिस्तबद्ध वातावरण व योग्य मार्गदर्शन यामुळे संजना संतोष लुगडे, आदर्श मनोज सानप, वेदिका अजित का बुगडे, सिमरन राजेंद्र यलमर, या विद्यार्थ्यांनी शाळेच्या व गावच्या लौकिकात भर घातली आहे सदर विद्यार्थ्यांच्या यशाबद्दल संस्थेचे अध्यक्ष दिलीपरावजी येळगावकर, सचिव अभिजीत येळगावकर, राजाराम कचरे, संस्थेचे सर्व संचालक, शाळा व्यवस्थापन समिती, मुख्याध्यापक आणि सर्व ग्रामस्थांच्या वतीने या विद्यार्थ्यांचा सत्कार करण्यात आला.
