बातमी — वडजल प्रतिनिधी
वडजल ते झरे रस्त्यावरील कॅनॉल परिसरात आज दुपारी महिलेला दागिने हिसकावण्याचा प्रयत्न झाल्याची घटना घडली. सौ. अंजना काटकर या शिवाजीनगरकडे आपल्या घरी जात असताना एका अनोळखी दुचाकीस्वाराने अचानक त्यांचे दागिने हिसकावण्याचा प्रयत्न केला.
यावेळी स्वतःचा जीव वाचवण्यासाठी महिलेने जवळपास 15 फूट खोल रस्त्याच्या खाली उडी मारून प्रसंगावधान दाखवले. त्यांच्या आरडाओरड्यानंतर दुचाकीस्वार घटनास्थळावरून फरार झाला.
घटनेची माहिती मिळताच पोलिसांनी तत्काळ घटनास्थळाची पाहणी केली असून आरोपीचा शोध सुरू करण्यात आला आहे. जखमी महिलेला पुढील उपचार आणि तपासणीसाठी शासकीय रुग्णालयात हलविण्यात आले आहे.
पोलिसांकडून पुढील तपास सुरू असून परिसरातील CCTV फुटेजची पाहणी केली जाणार आहे.
