पुणे – फुले शाहू आंबेडकर एज्युकेशनल अँड सोशल फाउंडेशन तर्फे ज्ञानज्योती सावित्रीमाई फुले यांच्या 195 व्या जयंती दिनी सारसबाग येथील सावित्रीमाई स्मारकात नांदेड किनवटचे ज्येष्ठ कवी अशोक वासाटे यांनी व नांदेड,घोटीचे ,शाहीर दीपक कोसले यांनी फुले दांपत्य यांच्या जीवनकार्यावर कविता , पोवाडे गाऊन सावित्री जन्मोत्सव साजरा केला त्याबद्दल राष्ट्रीय ओबीसी महासंघाचे वतीने सन्मानपत्र , लेखक रघुनाथ ढोक यांचा ज्ञानज्योती सावित्री फुले ग्रंथ अखिल भारतीय माळी शिक्षण प्रबोधन संस्थेचे मुख्य विश्वस्त पद्माकर कुदळे ,दैनिक पुढारी चे निवासी संपादक सुनील माळी यांचे शुभहस्ते त्यांचा गौरव करण्यात आले.
यावेळी प्रमुख पाहुणे म्हणून दिलीप राऊत,प्रशांत एकतपुरें, रवी चौधरी, दिलीप शेळवंटे,प्रकाश लोंढे, शारदा लडकत व इतर मान्यवर उपस्थितीत होते.
या प्रसंगी अखिल भारतीय माळी शिक्षण प्रबोधन संस्थेचे 2026 दिनदर्शिका देखील वरील मान्यवराचे हस्ते प्रकाशित करण्यात आली.
यावेळी ज्येष्ठ पत्रकार सुनील माळी यांनी संपूर्ण सावित्रीमाईचे जीवन चरित्रातील अनेक प्रसंग सांगून भारावून सोडले.
कार्यक्रमाचे शेवटी आयोजक सत्यशोधक रघुनाथ ढोक यांनी प्रवीण दवणे यांची ज्ञानज्योती कविता सादर करून सांगता केली.
नांदेड च्या कवींचा सावित्रीमाई जयंतीदिनी फुले एज्युकेशन तर्फे झाला पुण्यात सन्मान
