म्हसवड…प्रतिनिधी .आंतरराष्ट्रीय महिला दिनाच्या निमित्ताने क्रांतिवीर शैक्षणिक संकुलामध्ये विविध कार्यक्रमाच्या निमित्ताने नारी शक्तीचा एल्गार. शिक्षणाच्या माध्यमातून महिलांनी स्वावलंबी व्हावे असे आवाहन क्रांतिवीर शाळेच्या मुख्याध्यापिका सुलोचना बाबर यांनी केले.आंतरराष्ट्रीय महिला दिनाच्या निमित्ताने क्रांतीवीर शैक्षणिक संकुल म्हसवड येथे विविध कार्यक्रमाचे आयोजन केले होते. संरक्षण, कृषी, कला,क्रीडा, संशोधक प्रशासन, शैक्षणिक, सामाजिक व राजकारणात ही आज महिला आघाडीवर असल्याचे मुख्याध्यापिका बाबर यांनी सांगितले . शिकेल तीच टिकेल हे महिलांनी लक्षात ठेवले पाहिजे. कौशल युक्त शिक्षणाच्या माध्यमातून महिलांनी आपली प्रगती करावी. केंद्र व राज्य शासनाच्या विविध योजनेद्वारे महिलांना खूप मोठी संधी आहे. संधीचं सोनं करा. चूल आणि iमुल या संकल्पनेच्या बाहेर या. स्वतः सक्षम होण्यासाठी शिक्षणाच्या माध्यमातून स्वावलंबी होण्याचे आवाहन सुलोचना बाबर यांनी केले.क्रांतिवीर शैक्षणिक संकुलाच्या सर्वांगीण प्रगतीमध्ये पुरुषाबरोबरच महिलांचा मोठा सहभाग असल्याबद्दल सुलोचना बाबर यांनी गौरव उद्गार काढले. मुख्याध्यापिका बाबर यांच्या हस्ते संकुलातील सर्व महिला शिक्षकांचा सन्मान करण्यात आला.यावेळी वैष्णवी काटकर,अश्विनी राजमाने, पूजा तुपे, चंदुरे मॅम या महिला शिक्षकांनी स्त्रिया, काल आज आणि उद्या या अनुषंगाने मनोगत व्यक्त केले.महिला दिन कार्यक्रमाच्या निमित्ताने सावित्रीबाई फुले यांच्या प्रतिमेचे पूजन मान्यवरांच्या हस्ते करण्यात आले. क्रांतिवीर शैक्षणिक संकुलात महिला दिन साजरा Post navigation जागतिक महिला दिनानिमित्त श्री माताजी निर्मलादेवी प्राथमिक शाळे मध्ये बालसभेतून नारी शक्तीचा जागर लोकनेते बाळासाहेब देसाई यांच्या जयंतीनिमित्त दिनांक १० मार्च रोजी मुंबईत भरगच्च कार्यक्रम.
