ऐतिहासिक विजय! आटपाडी-डबई कुरण शेतजमीन लढ्याला ६० वर्षांनंतर यश; पुण्यभूमी करगणीत विलास खरात व सहकाऱ्यांचा भव्य नागरी सत्कार करगणी (विशेष प्रतिनिधी): ऐतिहासिक आणि धार्मिक वारसा लाभलेल्या, तसेच जुन्या राम मंदिराची पावन पार्श्वभूमी असलेल्या पुण्यभूमी करगणीच्या भूमीवर एका ऐतिहासिक विजयाचा उत्सव साजरा करण्यात आला. आटपाडी-डबई कुरणातील शेतजमिनीबाबत तब्बल ६० वर्षांच्या प्रदीर्घ आणि संघर्षमय लढ्यानंतर अखेर शासनाचा सकारात्मक निर्णय (जीआर) आला आहे. या अभूतपूर्व यशाचे शिल्पकार आयुष्यमान विलास खरात साहेब (आटपाडी) व त्यांच्या सहकाऱ्यांचा करगणी येथे भव्य नागरी सत्कार करण्यात आला. ६० वर्षांचा ऐतिहासिक लढा आणि करगणीची पार्श्वभूमीकरगणी ही भूमी केवळ संघर्षाचीच नव्हे, तर श्रद्धेची आणि अन्यायाविरुद्ध पेटून उठणाऱ्या विरांची भूमी मानली जाते. ऐतिहासिक जुने राम मंदिर आणि धार्मिक परंपरेचा वारसा लाभलेल्या या भूमीत अन्यायाविरुद्धचा लढा नेहमीच पेटता राहिला आहे. डबई कुरणातील शेतजमिनीसाठी स्थानिक शेतकऱ्यांनी आणि सामाजिक कार्यकर्त्यांनी तब्बल ६० वर्षे, म्हणजे तीन पिढ्या संघर्ष केला. न्यायालयीन बाबी, शासकीय परवाने आणि प्रशासकीय लालफितीच्या कारभारात अडकलेला हा प्रश्न सुटत नव्हता. मात्र, विलास खरात व त्यांच्या सहकाऱ्यांनी सातत्याने पाठपुरावा करून, आंदोलनांची धार तीव्र ठेवून अखेर शासन निर्णय (GR) पदरात पाडून घेतला आणि ६० वर्षांच्या संघर्षाला ऐतिहासिक यशाची किनार मिळवून दिली. कांबळे परिवाराकडून स्नेहादर व सत्कारया ऐतिहासिक निर्णयाचे औचित्य साधून करगणी येथील बौद्ध बांधव, डॉ. बाबासाहेब आंबेडकर जयंती महोत्सव समिती करगणी, तसेच ग्रामपंचायत सदस्य व कांबळे परिवाराच्या वतीने भव्य सत्कार समारंभाचे आयोजन करण्यात आले होते.हा विशेष नागरी सत्कार सोहळा करगणीचे सन्माननीय चंद्रकांत (चंदू मिस्त्री) कांबळे यांच्या निवासस्थानी अत्यंत उत्साहपूर्ण वातावरणात पार पडला.प्रमुख उपस्थिती आणि सत्कारमूर्तीया सोहळ्याला करगणी येथील ग्रामपंचायत सदस्य सन्माननीय विद्याधर रामचंद्र कांबळे, सन्माननीय चंद्रकांत (चंदू मिस्त्री) कांबळे, सन्माननीय निलेश चंद्रकांत कांबळे, सन्माननीय नितेश चंद्रकांत कांबळे व सन्माननीय प्रकाश हिराप्पा कांबळे हे प्रमुख मार्गदर्शक म्हणून उपस्थित होते.या सर्व मान्यवरांच्या हस्ते आणि कांबळे परिवाराच्या वतीने या शेतजमीन लढ्यातील मुख्य सत्कारमूर्तींचा फेटा, शाल, श्रीफळ व पुष्पगुच्छ देऊन सन्मानपूर्वक नागरी सत्कार करण्यात आला.सत्कारमूर्ती व प्रमुख सहकारी:आयु. विलास खरात (आटपाडी)आयु. उत्तम मोटेनंदकुमार खरातसंतोष मोटेअशोक मोटेसागर मोटे”हा विजय सर्वसामान्य शेतकऱ्यांचा” – विलास खरातसत्काराला उत्तर देताना विलास खरात म्हणाले, “६० वर्षांचा हा लढा सोपा नव्हता. अनेक अडचणी आल्या, पण करगणीसारख्या पुण्यभूमीची साथ आणि सर्व सहकाऱ्यांचे योगदान यामुळेच आपण हा शासन निर्णय मिळवू शकलो. हा सत्कार माझा एकट्याचा नसून शेतजमिनीसाठी रक्त-पसीना गाळणाऱ्या प्रत्येक शेतकऱ्याचा आहे.”या प्रसंगी करगणीतील बौद्ध बांधव, डॉ. बाबासाहेब आंबेडकर जयंती महोत्सव समितीचे पदाधिकारी, कांबळे परिवारातील सदस्य आणि परिसरातील नागरिक मोठ्या संख्येने उपस्थित होते. उपस्थितांनी टाळ्यांच्या गजरात आणि जयघोषात विलास खरात व त्यांच्या सर्व सहकाऱ्यांचे मनःपूर्वक अभिनंदन केले. Post navigation विलास खरात व सहकाऱ्यांचा विटा येथे नागरी सत्कार साताऱ्यात आई-वडिलांची स्मृती जपण्यासाठी विद्यार्थ्यांना शिष्यवृत्ती.
