वरकुटे मलवडी येथे भीषण अपघात; संतोष पोळ यांचा मृत्यू

म्हसवड वार्ताहर …

म्हसवड, ता. 7 जानेवारी 2026 — पंढरपूर–मल्हारपेठ डांबरी रस्त्यावर वरकुटे मलवडी परिसरात झालेल्या मोटारसायकल अपघातात एका व्यक्तीचा मृत्यू झाला आहे. या प्रकरणी म्हसवड पोलीस ठाण्यात गुन्हा दाखल करण्यात आला आहे.
घटना 6 जानेवारी 2026 रोजी रात्री सुमारे 8.30 वाजता घडली. निवृत्ती दादु यादव यांच्या घराजवळील रस्त्यावर संतोष रघुनाथ पोळ (वय 50, रा. वरकुटे मलवडी) आपल्या पेंशन प्रो मोटारसायकलवर जात असताना समोरून येणाऱ्या होंडा युनिकोर्न (क्र. MH14 HC 4014) मोटारसायकलने जोरदार धडक दिली.
ही मोटारसायकल ऋषीकेश रविंद्र गोंजारी (रा. दिघंची, ता. आटपाडी, जि. सांगली) यांच्या ताब्यात होती. त्यांनी रस्त्याच्या परिस्थितीकडे दुर्लक्ष करून भरधाव व अविचाराने वाहन चालविल्याचे फिर्यादीत नमूद करण्यात आले आहे.
धडकेत संतोष पोळ यांना गंभीर दुखापत होऊन त्यांचा मृत्यू झाला, तर फिर्यादी अर्जुन सर्जेराव यादव (वय 49, रा. वरकुटे मलवडी) व आरोपी गोंजारी यांना किरकोळ दुखापती झाल्या. दोन्ही वाहनेही नुकसानीस कारणीभूत ठरली.
फिर्यादी अर्जुन यादव यांच्या तक्रारीवरून म्हसवड पोलीस ठाण्यात गुन्हा क्र. 13/2026 भादंवि (BNS) कलम 106, 281, 125(a), 125(b), 324(4) तसेच मोटार वाहन कायदा कलम 184 प्रमाणे गुन्हा नोंदवण्यात आला आहे.
या प्रकरणाचा तपास पोलीस हवालदार जी. डी. लुबाळ (मो. 9870091761) करत आहेत.