प्रगतशील डाळिंब उत्पादक गणपत खाडे यांचे निधन.

म्हसवड…. प्रतिनिधी
पळशी येथील प्रगतशील डाळिंब बागायतदार गणपत निवृत्ती खाडे यांचे वयाच्या 52 वर्षी नुकतेच दुःखद निधन झाले.
गणपत खाडे यांचा तरुण उद्योजक, बागायतदार, प्रगतशील शेतकरी म्हणून माण तालुक्यात नावलौकिक होता . नवीन तंत्रज्ञानाने युक्त व आधुनिक डाळिंब शेती यामध्ये गणपत खाडे यांचा हातखंडा होता. डाळिंब शेती व ठिबक सिंचन चे डिलर या माध्यमातून त्यांचा कृषी विभाग व शेतकऱ्यात मोठा जनसंपर्क होता. सायंकाळच्या वेळी म्हसवड मध्ये असतानाच अचानक अस्वस्थ वाटून चक्कर आल्याने त्यातच त्यांचे दुर्दैवी निधन झाले. क्रांतिवीर शैक्षणिक संकुलाचे अध्यक्ष कृषिरत्न प्रा. विश्वंभर बाबर , संपादक विजय टाकणे पाटील यांच्यासह विविध क्षेत्रातील अनेक मान्यवरांनी खाडे कुटुंबीयांचे सांत्वन केले. स्वर्गीय गणपत खाडे यांच्या पाठीमागे वृद्ध आई-वडील , भाऊ , पत्नी, यांच्यासह संकेत व किरण ही दोन मुले असा परिवार आहे.